Araw ng Digos City
2012
ni: Felix B. Daray
Septiyembre
8, 2012, gisaulog sa mga lumulopyo sa Dakbayan sa Digos ang ika 12 nga pagkahimugso nga Charter
City, ang naila na nga “Araw ng Digos. Masipang
pakpak, siyagit, suliyaw sa katawhan ang nadungog diha sa Rizal Park, Digos City sukad niadtong unang adlaw ning
kasamtangang buwan diin nagsugod ang mga pasundayag sa pagsaulog sa Araw ng Digos
nga natapos niadtong Septiymbre 8,2012.
Sukad sa unang gabii napuno sa lain-laing kasikas sa kalipay; ang tingog sa mga kontestant, sa singing contest, pasiaw sa anawnser ug madasigong siyagit sa manan-away. Naghuot ang mga tawo. Hayag kaayo ang park matag gabii, nga sa taliwa nagsidlak-sidlak ang nag-ulbo-ulbong tubig sa fountain. Abtik ang mga lakang ug hayag tan-awon ang mga nawong sa mga tawo nga naghulat nga magsugod na ang pasundayag labi na ang searches. Sa unang gabii gihimo ang search sa Mutya nang Kadigaran 2012, (pasalamat sa maayong abot sa uma) .
Ikduhang gabii, ang Search for Miss Digos 2012. Ang mananaog, ang pinakawapa ug talentong Digoseno mao si, Sharmaine Fuentes, taga barangay Igpit. Ug ang labing gikahimanan mao ang search for Miss Gay 2012. Suliyaw ug siyagit ang nadungog sa dihang mirampa na ang mga kandidata. Halos dili na mamilok ang mga manan-away sa dihang mipaso na sila sa ilang bikini ug short. Nindot ang ilang mga kutis, sexy kayo, pero dunay uban nga morag medyo sapnoton ug bukugon og panit. Hanas kaayong manubag ug fluent manulti sa English kay lagi mga college level man og gani may mga professionals nga misalmot gikan sa laing lugar sa Rehiyon X1. Nindot ug hapsay kaayo ang dagan sa search. Ang labing palaran, nag-alyas nga Kristine Hermosa. Ikalimang adlaw gihimon ang banga sa Drum and Lyre Marching Band Interschool Competition 2012. Nagpunsisok, naghuot gihapon ang park. Tsampiyon na usab ang Aplaya Elementary School nga sa kanunay nahimong mananaog sa nangaging mga katuigan. Ang pagkab-ot sa korona sa kadaugan dili tsumba lang o kaha sulagma . Produkto kini sa hiniusang pag-insayo, talento, ug abilidad, sa mga trenors ug partisipante. Gani, nahimong Regional Champion sa samang kompitisyon niadtong 2009 sa Tagum City. Isip usa ka magtutudlo kanhi sa maong tulunghaan, sayod ako ni Sir Felzev Lloyd Sayon, Principal l, sa iyang kaseryoso ug kahikutabo sa tanang mga school affairs. Dugang pa ,ang kadaogan bunga usab sa kooperasyon sa mga ginikanan, band coordinators ug teachers.
Ikaunom ka gabii, gihimo ang Cultural Night. Nahinumdon ko sa akong kabatan-on sa dihang nadungog ko ang karaang kanta ug sayaw niadtong among panahon, mga 1960 pa. Nagkalidades ang mga pasundayag; naay solo, duet ug choral. Ang mga batan-on dili pod palupig sa ilang sayaw nga nag kirig-kirig ug moderno nga sayaw ug, disko ug ballroom dancing sa mga edad-idaran na
Septembre 8, miabot ang ginahandom nga adlaw: Araw ng Digos, nga gitugahan sa Kahitas-an ug maayong panahon. Alas 7:30 gisugdan ang civic parade. Gisalmotan sa tanang empleyado sa dakbayan, private sectors, estudyante ug mga representante sa mga barangay. Human sa parade, didto nakapatapok sa Rizal Park og gihimo ang Culmitating Program. Ang pinasiduggang mamumulong mao si, Senador Gringo Honasan. Kauban niya si Dir. Francisco Jose, DILG Regional Director Sa Rehiyon X1, kinsa nangulo sa paghatag og mga award sa mga outstanding barangay official.
Lain pang gikahinaman sa tanan mao ang “ Letsonan sa Kadalanan” nga maoy highlight sa matag tuig nga selebrasyon. Kini ang banga sa pagluto og labing lamian, kagumkon ug nindot nga letson. Sa akong ihap-ihap sa naagian nako, moabot ug 500 ka buok nga nagtuyok-tuyok sa daplin sa kalye likod sa City Hall. Nag-ihay rag tibol-tibol ang nangaon. Nagkinamayay ang mga tindero aron mahalin. Naghuot og pinalitay; tag P300 ang kilo. Apan dili malikayan, nga naay mo punit-punit sa mga nawisik sa tadtaran og gipasagdan na lang, “tilaw-tilaw ra ning amo,”pasiaw nila. Nianag pagkagabii, gihimo ang “Hudyaka Sa Kadalanan.” Nagbinuntagay ang disko sa Rizal Avenue. Adunay live band concert San Miguel Beer sa sulod sa Park. Makalingaw kaayo. Pulos nagmaya ang katawhan. Kon wa man nanisko ang uban, nag-inom uban sa pulotan, nagtibol-tibol og kaon sa durian nga nebagsak ang presyo nga tag P30 na lang ang kilo para sa sera mano . Dunay namalit ug pang bh nga t-shirt o bisan unsa lang ang mapalit sa daplin.
Ang kataposang hirit, ang pagpalupad sa fireworks nga gisugdan alas 8 sa gabii. Nalingaw ang mga mata sa katawhan human misulbong sa kawanangan ang nagkalain-laing kolor sa mga siga ug sipa sa mga buto. Ang kinatibuk-ang kalihukan sa selebrasyon gipangunayan ni Hon. Mayor Joseph R. Penas, sa iyang mga kaggawad ug Tourism Council sa siyudad. Matud niya,”padayon kamo sa pagsuporta sa atong administrasyon kay ang Digos, miabante na gyod . Nagpasalamat usab ako sa mga boluntaryong sakop sa Abante Digos, nga mitabang sa pagbantay sa lakinaw ug kahapsay sa kadalanan ug walay mga daotang panghitabo sulod sa usa ka semanang selebrasyon.”
KASAYSAYAN SA DIGOS . Niadtong unang panahon, ang Digos usa ka watercourse, tubigon nga lugar ug bukana sa Digos River ug Davao Gulf. Sumala pa,kining dapita maoy kaligoan sa mga natibo gikan sa bukiran sa Mt. Apo. Usa na dayo nakasugat ug mga natibo . Nangutana dayon ang dayo,” unsa man kining lugara? Mitubag dayon ang natibo,” padigos,” sa iyang pagtuo nangutana kon asa sila paingon. Ang kahulogan sa pulong padigos, “paingon mangaligo.”Sukad niadto ang lugar gitawag ug Digos. Nagsugod nga usa ka barangay niadtong 1940 sakop sa Santa Cruz. Tungod sa pagdayo sa mga Bisaya nga nangita og lunhaw nga kayutaan, misanay ang katawhan og nahimong lungsod niadtong July 19, 1949 ubos sa Balaodnon No. 236 ni Kongressman Apolinario Cabigon. Nahimong siyudad niadtong Septiyembre 8, 2000 ubos sa Balaodnon 8798, gipasaka sa kongreso ni Kongresman Douglas Ra. Cagas uban sa pag-ugmad ug paningkamot ni kanhi Mayor Arsenio Latasa, nga karon Bise Gobernador sa Davao del Sur. Sa pagkakaron , naa na kita sa kategoriya nga, “first class city,”
Kalabot sa patigayon ug industriya, dayag nga aduna nay mga negosyante nga mingsulod sa dakbayan sama sa Jolibee ug ang bag-o pa lang nga nahuman nga Grand Gaisano Mall. Ang siyudad nakasungkit og award, “Champion of Good Governance,” Nakadawat og Performance Challenge Fund 3 milyon ug Local Government Support Fund 25 milyon gikan sa bag-o pa lang nga mipanaw, DILG Secretary Jesse M. Robredo. Ang Dakbayan sa Digos giila nga ,”mango capital of the Philippines. Dinhi matilawan ang tam-is nga manga nga gina - export . Gawas pa, ang Digos prodyuser usab sa saging nga Cavendish nga ginatumod gawas sa nasod.
Mabuhi ka, Digos City. Padayon sa imong mabulukon ug makugihong pag-uswag.
Sukad sa unang gabii napuno sa lain-laing kasikas sa kalipay; ang tingog sa mga kontestant, sa singing contest, pasiaw sa anawnser ug madasigong siyagit sa manan-away. Naghuot ang mga tawo. Hayag kaayo ang park matag gabii, nga sa taliwa nagsidlak-sidlak ang nag-ulbo-ulbong tubig sa fountain. Abtik ang mga lakang ug hayag tan-awon ang mga nawong sa mga tawo nga naghulat nga magsugod na ang pasundayag labi na ang searches. Sa unang gabii gihimo ang search sa Mutya nang Kadigaran 2012, (pasalamat sa maayong abot sa uma) .
Ikduhang gabii, ang Search for Miss Digos 2012. Ang mananaog, ang pinakawapa ug talentong Digoseno mao si, Sharmaine Fuentes, taga barangay Igpit. Ug ang labing gikahimanan mao ang search for Miss Gay 2012. Suliyaw ug siyagit ang nadungog sa dihang mirampa na ang mga kandidata. Halos dili na mamilok ang mga manan-away sa dihang mipaso na sila sa ilang bikini ug short. Nindot ang ilang mga kutis, sexy kayo, pero dunay uban nga morag medyo sapnoton ug bukugon og panit. Hanas kaayong manubag ug fluent manulti sa English kay lagi mga college level man og gani may mga professionals nga misalmot gikan sa laing lugar sa Rehiyon X1. Nindot ug hapsay kaayo ang dagan sa search. Ang labing palaran, nag-alyas nga Kristine Hermosa. Ikalimang adlaw gihimon ang banga sa Drum and Lyre Marching Band Interschool Competition 2012. Nagpunsisok, naghuot gihapon ang park. Tsampiyon na usab ang Aplaya Elementary School nga sa kanunay nahimong mananaog sa nangaging mga katuigan. Ang pagkab-ot sa korona sa kadaugan dili tsumba lang o kaha sulagma . Produkto kini sa hiniusang pag-insayo, talento, ug abilidad, sa mga trenors ug partisipante. Gani, nahimong Regional Champion sa samang kompitisyon niadtong 2009 sa Tagum City. Isip usa ka magtutudlo kanhi sa maong tulunghaan, sayod ako ni Sir Felzev Lloyd Sayon, Principal l, sa iyang kaseryoso ug kahikutabo sa tanang mga school affairs. Dugang pa ,ang kadaogan bunga usab sa kooperasyon sa mga ginikanan, band coordinators ug teachers.
Ikaunom ka gabii, gihimo ang Cultural Night. Nahinumdon ko sa akong kabatan-on sa dihang nadungog ko ang karaang kanta ug sayaw niadtong among panahon, mga 1960 pa. Nagkalidades ang mga pasundayag; naay solo, duet ug choral. Ang mga batan-on dili pod palupig sa ilang sayaw nga nag kirig-kirig ug moderno nga sayaw ug, disko ug ballroom dancing sa mga edad-idaran na
Septembre 8, miabot ang ginahandom nga adlaw: Araw ng Digos, nga gitugahan sa Kahitas-an ug maayong panahon. Alas 7:30 gisugdan ang civic parade. Gisalmotan sa tanang empleyado sa dakbayan, private sectors, estudyante ug mga representante sa mga barangay. Human sa parade, didto nakapatapok sa Rizal Park og gihimo ang Culmitating Program. Ang pinasiduggang mamumulong mao si, Senador Gringo Honasan. Kauban niya si Dir. Francisco Jose, DILG Regional Director Sa Rehiyon X1, kinsa nangulo sa paghatag og mga award sa mga outstanding barangay official.
Lain pang gikahinaman sa tanan mao ang “ Letsonan sa Kadalanan” nga maoy highlight sa matag tuig nga selebrasyon. Kini ang banga sa pagluto og labing lamian, kagumkon ug nindot nga letson. Sa akong ihap-ihap sa naagian nako, moabot ug 500 ka buok nga nagtuyok-tuyok sa daplin sa kalye likod sa City Hall. Nag-ihay rag tibol-tibol ang nangaon. Nagkinamayay ang mga tindero aron mahalin. Naghuot og pinalitay; tag P300 ang kilo. Apan dili malikayan, nga naay mo punit-punit sa mga nawisik sa tadtaran og gipasagdan na lang, “tilaw-tilaw ra ning amo,”pasiaw nila. Nianag pagkagabii, gihimo ang “Hudyaka Sa Kadalanan.” Nagbinuntagay ang disko sa Rizal Avenue. Adunay live band concert San Miguel Beer sa sulod sa Park. Makalingaw kaayo. Pulos nagmaya ang katawhan. Kon wa man nanisko ang uban, nag-inom uban sa pulotan, nagtibol-tibol og kaon sa durian nga nebagsak ang presyo nga tag P30 na lang ang kilo para sa sera mano . Dunay namalit ug pang bh nga t-shirt o bisan unsa lang ang mapalit sa daplin.
Ang kataposang hirit, ang pagpalupad sa fireworks nga gisugdan alas 8 sa gabii. Nalingaw ang mga mata sa katawhan human misulbong sa kawanangan ang nagkalain-laing kolor sa mga siga ug sipa sa mga buto. Ang kinatibuk-ang kalihukan sa selebrasyon gipangunayan ni Hon. Mayor Joseph R. Penas, sa iyang mga kaggawad ug Tourism Council sa siyudad. Matud niya,”padayon kamo sa pagsuporta sa atong administrasyon kay ang Digos, miabante na gyod . Nagpasalamat usab ako sa mga boluntaryong sakop sa Abante Digos, nga mitabang sa pagbantay sa lakinaw ug kahapsay sa kadalanan ug walay mga daotang panghitabo sulod sa usa ka semanang selebrasyon.”
KASAYSAYAN SA DIGOS . Niadtong unang panahon, ang Digos usa ka watercourse, tubigon nga lugar ug bukana sa Digos River ug Davao Gulf. Sumala pa,kining dapita maoy kaligoan sa mga natibo gikan sa bukiran sa Mt. Apo. Usa na dayo nakasugat ug mga natibo . Nangutana dayon ang dayo,” unsa man kining lugara? Mitubag dayon ang natibo,” padigos,” sa iyang pagtuo nangutana kon asa sila paingon. Ang kahulogan sa pulong padigos, “paingon mangaligo.”Sukad niadto ang lugar gitawag ug Digos. Nagsugod nga usa ka barangay niadtong 1940 sakop sa Santa Cruz. Tungod sa pagdayo sa mga Bisaya nga nangita og lunhaw nga kayutaan, misanay ang katawhan og nahimong lungsod niadtong July 19, 1949 ubos sa Balaodnon No. 236 ni Kongressman Apolinario Cabigon. Nahimong siyudad niadtong Septiyembre 8, 2000 ubos sa Balaodnon 8798, gipasaka sa kongreso ni Kongresman Douglas Ra. Cagas uban sa pag-ugmad ug paningkamot ni kanhi Mayor Arsenio Latasa, nga karon Bise Gobernador sa Davao del Sur. Sa pagkakaron , naa na kita sa kategoriya nga, “first class city,”
Kalabot sa patigayon ug industriya, dayag nga aduna nay mga negosyante nga mingsulod sa dakbayan sama sa Jolibee ug ang bag-o pa lang nga nahuman nga Grand Gaisano Mall. Ang siyudad nakasungkit og award, “Champion of Good Governance,” Nakadawat og Performance Challenge Fund 3 milyon ug Local Government Support Fund 25 milyon gikan sa bag-o pa lang nga mipanaw, DILG Secretary Jesse M. Robredo. Ang Dakbayan sa Digos giila nga ,”mango capital of the Philippines. Dinhi matilawan ang tam-is nga manga nga gina - export . Gawas pa, ang Digos prodyuser usab sa saging nga Cavendish nga ginatumod gawas sa nasod.
Mabuhi ka, Digos City. Padayon sa imong mabulukon ug makugihong pag-uswag.
No comments:
Post a Comment